كشف الإعلامى محمود سعد خلال استضافته مع المذيع علاء ياسين في برنامج بودكاست "مين معايا"، عن الفارق بين  أحمد زكى  وعادل إمام في حواراتهما الفنية، ومدي علاقتهما بالصحافة والإعلام باعتباره صحفيا مخضرما في القسم الفني وعلاقاته بنجوم ونجمات الوسط الدرامي والسينمائي عميقة.

 وأشار محمود سعد خلال اللقاء قائلاً: أنا في الواقع أحب أبقى سريع شوية، أبقى جاهز، فكنت بأعمل حوار مع عادل إمام وهو له طبع إنك تسأله اسمك إيه؟ فيقولك اسمي عادل إمام هو بياخد راحته في الإجابة فلازم أصبر عليه، فعرفت بعد ثالث حديث معاه إنه من النوعية اللي لازم تصبر عليها ولازم متلحقوش بالأسئلة وإلا هيتلخبط لأنه بيفكر وبيتكلم فيأخذ وقتا في الإجابة.

واضاف محمود سعد: أحمد زكي كان من أعز أصدقائي، علاقتنا مش مجرد علاقة نجم بصحفي، وفي الحوارات أحمد زكي تنكشه ينفتح معاك وأول ما اشتغلت في التلفزيون، الناس كانت تقولي هتستضيف أحمد زكي إمتى؟ فسألت أحمد وقلت له: هتطلع معايا امتى؟ في البداية، قال لي: أنا مش عايز أطلع في التلفزيون... شويه وكلمني وقال لي هجيلك ونصور سوا.

وأوضح محمود سعد: عشان عارف أحمد زكي، كلمت عمار الشريعي وآمال ماهر كانت لسه طالعة جديد، وإديتهم ميعاد الساعة 10، وإديت ميعاد لأحمد زكي الساعة 8.
وأشار محمود سعد : "الساعة 7 كلمت أحمد زكي فقال لي: «أنت اشترتني يعني يا محمود يا سعد، أنا جاي، وحاضر الساعة 8 وقال لي هقعد ربع ساعة فقعدنا ساعتين ونصف الساعة .

 
يذكر أن علاقة الإعلامي محمود سعد   بأحمد زكي كانت صداقة وطيدة من نوع خاص، حيث كشف مؤخرا عبر صفحته الرسمية فيسبوك من خلال مقطع فيديو أن أحمد زكي كان بمنزلة الأخ وأنه حساس  جدا وقريب من القلب، وكريم ومعطاء بدرجة مدهشة.