تفسير أحلام
مفسرة الأحلام : صوفيا زادة
هناك العديد من الرموز نراها في أحلامنا ونحتار في تفسيرها وإذا كنتي في تلك الحالة من الحيرة اكتبى لنا عن حلمك و سوف نقوم بتفسيره لك خلال 24 ساعة.
ارسل سؤال
 
 
 
1
 
نجاح
أنا عندى رؤي لو سمحتى فسريهم الاولى شوفت نفسى لابسه لبس التخرج الروب و الشابو لونهم اسود و لقيت نفسي بمسك فى الروب بايديا كأنه لازق على جسمى بس كان واسع و هقطعه عشان أقلعه و كنت مضايقة و مكشرة مع العلم أن فعلا لسه خريجة كليه السنة دى. التانية شوفت سبحة لونها أزرق فى ايدى و أنى رفعت ايدى اللى ماسكها بيها و كأنى بشرب السبحة بس مابلعتها حاطة على فمى كأنها بشرب منها زى ما يكون فى منها نازل عصير بشربه . التالتة شوفت هدية خضرا على سجادة الصلاة بعد ماصليت أنها ليا و الهاتف بيقول أنها من الرسول مخصوص ليا و كانت ملفوفة لفة هدية خضرا و شريط عليها فيونكه خضرا هدية شكلها مستطيلة . الرابعة شوفت أنى و أنا بصلى أنى لابسة سلسلة فيها شكل مرلع أخضر أنها بتنزل و توقع منى و أنا بصلى كأن حد فتح القفل بتاعها من ضهرى و عشان يقلعهالى و هى بتوقع شوفت كأن المربع بتاعها لونه أخضر كأنه بيطلع من جوايا من ناحية وسط الصدر و هى بتوقع كأن المربع مليان ضوء أخضر قوى محدده بس كده موقعش منى على الارض و انتهى على كده. الخامسة شوفت فى ايدى اليمين سبحة خضرا و ايدى الشمال سبحة سبحة سوداء و السادسه شوفت أنى كنت ببص للسماء فى النهار و فيها سحاب أبيض جميل فدخلت من الشباك سحبة بيضا كبيرةليا على الارض و التامنة شوفت أرض خضرا مزروعة كلها ورد تقريبا أحمر و أصفر حلوين قوى أرجو التفسير با دكتور صوفيا و شكرا .
الإجابة: لو سمحتي كل رؤيا تكون لوحدها الرؤي معناها أن مطالب منك أن تجتهدي في واجباتك تجاه الله واكثري من الاستغفار وحسني نفسك ومالك من العين والحسد بالرقية الشرعيه وحاولي ألا تحكي لأحد عن اشياء فيها زيادة وفرحه لك لكي لا تعرضي نفسك لحسد الحاسدين
2
 
رحمه
السلام عليكم .. حلمت ان أنا وبابا وأخويا محمد فـ شقه جديده غير شقتنا والشقه دي كانت واسعه بس مش مفروشه وكلها تراب .. بابا دخل نام على طرف سرير كبير مفروش بملايه و لاحظت ان أخويا دخل الحمام وقفل الباب ، وأنا كنت بتفرج ع الشقه وآخر حاجه دخلتها المطبخ والحلم خلص مع العلم ان بابا وماما منفصلين ومش عارفه ليه بابا دايما يجيلي فـ الأحلام نايم أرجو التفسير
الإجابة: تغيير حال للأفضل لكل فرد من الأسرة علي حدا لان البيت فارغ ولكن دخول اخيكي عليه أن يحذر الانجراف في السوء ووالدك يمر بمرحلة مرضيه ولكن تمر علي خير
3
 
Eman
حضرتك فسرتيلي حلم وقولتي ان الشخص اللي كنت مرتبطه بيه وسابتي لا عوده له بسبب عارض قوي كان سبب في هذا الانفصال ،حضرتك تقصدي ايه بالعارض دا انه سحر ؟ والمشكله دي عنده ولا عندي انا ؟
الإجابة: عليكي بالرقية الشرعيه
4
 
اماني
حلمت ان رجلي (الركبه) عليها عدد كبير من العيون البلاستيك - نصف كره شفافه مغلقه وداخلها دائره سوداء تتحرك - و التي تستخدم في صناعه العرائس والدمي القطنيه ...
الإجابة: احذري الحسد علي رزقك وصحتك وعافيتك لان البلاستيك اشتقاق من البلاء عليكي بالرقية الشرعيه
5
 
Eman
السلام عليكم دكتور صوفيا 💖كان في شخص كنت مرتبطه بيه 3 شهور شبه رسمي وسابني وهو بيتكرر فاحلامي باستمرار وحضرتك فسرتيلي احلام انه كويس وهيرجع واحلام تانيه فسرتيها انه شر وربنا بعده وحاليا مفيش بينا اي تواصل، وانا مش عارفه ليه بحلم بيه كتير كده ... الشخص دا اسمه محمد انا حلمت حلم كبير بس مش فاكره منه غير انه كان معانا انا واختي وماما وكنا راجعين من مشوار ،وموصلنا وطلع معانا بيتنا بس مكنتش شقتناالحاليه ولا مكان اعرفه بس فالحلم دا كان بيتنا ،وكان في معاه شنطه هدوم بتاعته كان عايزني اوديهاله الرفه والدراي كلين بس لما خلاص الموضوع بينا انتهي فقالي بلاش ،فماما قاعده علي سرير وهو معانا فالاوضه وماما بتطلع الهدوم دي من الشنطه دي وكان من ضمنها بوكسرات كده لونها كحلي بتاعته عايز يوديها للرفه فقولتلها لا خلاص بقي ملناش دعوه رجعي الحاجات الشنطه وبعدين لاقيت بلوزه كبيره مطبقه ومشجره قالي انها بتاعه مامته هو شوفت فيها بقغتين صغيرين كانهم زيت فقولتله خلاص سيبها هوديها الدراي كلين وهكلمك تيجي تاخدها بس ابقي رد عالموبيل ، بعدين ماما قالتلي دا صحابك البنات كانو عاملينلك يوم فرحك مفاجأه هيجبولك كيس قلقاس والعلبه دي وادتني العلبه بس خلاص بقي -قصدها ان الجوازه متمتش يعني -فقولت قلقاس ليه ؟ انا مبحبش القلقاس ،بعدين لاقيت العلبه دي صغيره قد الكف وبلاستيك بغطاء شفاف وفيها حلقان بلاستيك كتير اوووي اشكال العاب والوان مختلفه فعجبتني وورتها لمحمذ وقولتله انا عندي زيها بس الحلقان كور الوان واحجام كتيره -انا فعلا فالحقيقه عندي الحلقان الكور دي شيلاهم لجواززي - وبعدين لاقيت فالعلبه حلق بلاستيك ابيض علي شكل عروسه و مدلدل كده قعدت اقول الله حلو اووي دا واقيسه وابص فالمرايه واوريه لمحمد واقول دا عروسه 💖 وهو مش بيعلق اي تعليق ساكت ، بس كان فبالي ان انا جايبه واحد لولي ابيض اقيم واشيك منه شيلاه البشه وانا عروسه ...
الإجابة: بتقولي أنك قولتي احلام كتير قولتلك هايرجع واحلام قولتلك لا لازم تعرفي أن الوقت بيبقاله الأثر في التفسير ولكن هذه الرؤيا تؤكد أن هذا الشخص لاعودة له بسبب عارض قوي كان سبب في هذا الانفصال ومحاولات عديدة منك بائت بالفشل لعودته لك بس اعرفي أن خيرك في انه ميرجعش وعسي أن تكرهوا شيئا وهو خيرا لكم
6
 
نجاح
شكرا على التفسير يا دكتور صوفيا لكن عايزة افهم ايه معنى وجود ناس كتير عايزين ياخدوا من عندنا قهوة و ايه معنى تقديم بابا القهوة للناس يعنى خلاصه من المسئوليات الكتيرة اللى عليه و لا معنى تقديم القهوة يعنى دخول فى مشروع مربح بما أن بابا كان مبسوط أن الرجل الممثل سعيد صديق هيحاسبه عليهم و ايه معنى احساس بابا بأن فى مناسبة عندنا من تجمع ناس كتيرة عندنا . أرجو التفسير و الرد يا دكتور صوفيا و لو سمحتى ايه معنى وجود جدى المتوفى عندنا فى المطبخ .
الإجابة: سبق تفسيره
7
 
R.t
في شخص اعرفه من فترة قصيرة حلمت انه اتصل بيا في التليفون وانا مردتش عليه وبعدين رجعت اتصلت بي وشوفت في شاشة التليفون شكل بحر عرفت ان الشخص ده في الاسكندرية وفعلا رد عليا وقولتله انت فين قالي انا روحت اسكندرية عشان هجيب شهادة زي ميكون يقصد شهادة دراسية طلبنها منه عشان الشغل وهو في الحقيقه مش في سن دراسة خالص عنده ٣٥ سنة وبيشتغل كويس جدا وبعدين انا جبت لي رغيف عيش علي اساس انه هيجي ياكل معانا وفعلا المفروض انه اتخر مثلا علي الفطار وهيجي يتغدا معانا انا واهلي وبعدين شوفت ان في واحدة سمراء بتسأل عليه وبتقول انه اسمه سالم وهوه في الحقيقه مش اسمه كدة وبتقول انها مراته ولقيت الفنانه دلال عبد العزيز بترد علي الواحدة دي بتقولها لا هوه خلاص هيطلقك ويرجع مصر وفي الحقيقه الشخص ده متزوج
الإجابة: من حيثيات الرؤيا يتضح أن هذا الشخص يعيش في هدوء وسكينه مع زوجته ولكن يستهويه الدلال والمنظر الخارجي للمراه ، وقوله أنه هايجيب شهادة معناه يبحث عن دليل موثق بأن له الحق في الزواج باخري إذا كان يوافقك هذا توكلي علي الله
8
 
R.t
حلمت اني امارس الجماع مع بنت سمراء وانا في الحقيقة بيضاء بس كونت في المنام سمراء زيها كونا عريانين بس مكنش جماع كامل وبعدين لقتها بتقولي انها هتسبني عشان متخلنيش افقد عذريتي قولتلها انا اساسا مش بنت
الإجابة: حلم شيطاني
9
 
R.t
حلمت ان بابا وماما قاعدين في الصالة وبعدين قالولي تعالي عشان يفرجوني علي طقم لبس بنت كان علي الارض وكان بتاع بنت حوالي سنها ٥ او٦ سنين قولتلهم بتاع مين اللبس ده احنا معندناش بنات صغيرة ولقتهم اعطوني صنية عليها شنط هداية صغيرة وكان فيهم سبوع لمولودة بنت وانا اخدتهم علي اساس اوزعهم علي اصحابي وبعدين خرجت قولت لي ماما وحشتيني اوي وفي الحقيقه امي متوفيه وانا انسة
الإجابة: ابشري اذا كنتي عزباء فملابس البنت دلاله علي زواجك واذا كنتي متزوجه فستسعدي بذريه ولاتنسي والدك من الدعاء له والصدقه الجاريه
10
 
هدير
فيه شخص بتربطني بيه علاقة عمل وحلمت انه نايم في حجرة أخويا على السرير وكان نايم جنبه اخويا وأختي وهو في النص وكان لابس ترنج بيتي كحلي وكان حافي بس لما دخلت الحجره وشوفتهم هو صحي على طول وخرج من الحجره إلى الأنتريه ف في نفس الحلم جه تاني يوم وكنت رايحه الشغل بس كنت متأخره ف هو قفل الباب ( مكان الشغل ) بس لما خبط ف لبنتين تحلي واتفاجأت انه فتح الباب مع إن في الحقيقه لما حد بيروح متأخر مابيدخلوش وهو متزوج وأب لبنتين
الإجابة: هذا الشخص لديه الرغبه في التقرب لك وانتي كذلك وهو بيحاول يعرف خصوصياتك ممن هم قريبين لكي والفترة القادمه سيفتح بينكم مجال الحوار والمصارحة
12345678910...الاخيرة
اعلانات
الأكثر قراءة
PDF
تابعنا