بأسم هبة قطب.. مسابقة رمضانية وهمية لافضل علاقة زوجية
بأسم هبة قطب.. مسابقة رمضانية وهمية لافضل علاقة زوجية
24 مايو 2019

اختي و صديقة عمري الدكتورة هبة قطب استشاري العلاقات الزوجية و الجنسية كانت تفطر معي في بيتي في وجود صديقتي المذيعة الجميلة هبة الاباصيري و صديقتي الدكتورة سالي مبروك المتخصصة في العلاقات الانسانية بالامارات و كان لقاء جميل مع تبادل المعلومات و الطرائف و استأذنت الدكتورة هبة للانصراف و عند توديعها عند باب البيت جاءها اتصال و ردت و كانت هذه المكالمة الصادمة”

ازيك يا طنط هبة ..اهلا يا حبيبتي ..كل سنة و انت طيبة .. انت طيبة ..علي فكرة يا طنط انا كسبت في المسابقة الي انت عاملاها ..مسابقة ايه؟ .. مسابقة افضل علاقة زوجية و الي هيكسب هياخد ٢٥ الف جنيه .. ازاي يعني ؟ .. في دكتور اسمه محمد من عيادتك هوه الي اعلن عن المسابقة بأسمك و بيقول انه المساعد بتاعك و بيسأل اسئلة عن العلاقة الخاصة بين الزوجين و شرط المسابقة ان المتسابقة تكون متزوجة و انا جاوبت علي كل اسئلته و قالي اني كسبت و قلت ابلغك..ازاي تعملي كده ابعتيلي الرقم الي بيتكلم منه حالا و اتصلي بيه و قوليله ان واحدة صاحبتي هتكلمك"

و بالفعل البنت ارسلت الرقم و دخلنا تاني البيت فقولت لهبة انا هتصل بيه علي اني متسابقة من موبيل مش بيظهر نمرته و بالفعل اتصلت " مساء الخير يا دكتور هالة قالتلي ان الدكتورة هبة قطب عاملة مسابقة و انا عاوزة اشترك ..ايوه بالفعل بس انت رقمك مش ظاهر و لازم يكون رقم فودافون ..يعني حضرتك لازم يكون رقم اوله ٠١٠٠ .. ايوه.. اوكيه ( و اديته رقم وهمي) قفل الموبيل علي اساس انه هيتصل هوه ، فالدكتورة هبة قررت انها تبلغ مباحث الاتصالات فاقترحت عليها الدكتورة سالي مبروك انها تتصل بيه و في اخر المكالمة تقوله انها الدكتورة هبة قطب

و بالفعل اتصلت به " مساء الخير .. مساء النور .. انا من طرف هالة و عاوزة اشترك في مسابقة الدكتورة هبة قطب .. اديني رقم فودافون لو سمحتي لانها من شروط المسابقة ..حاضر ( و اديته نمرة وهمية ) بس من فاضلك عندي سؤال قبل ما تتصل بي هوه انت فعلا بتشتغل مع الدكتورة هبة قطب ..ايوه يا فندم انا الدكتور محمد انور مساعد الدكتورة هبة ..في اي فرع حضرتك معاها ..هوه تحقيق ولا ايه دي مسابقة تردي علي الاسئلة مش انت الي تسألي ..انا الدكتورة هبة قطب و انت نصاب ..انت بتقولي ايه ..زي ما بقولك انت نصاب و انا هبلغ عنك .. انا مش فاهم ايه قلة الادب دي " و انهي المكالمة

تستنكر الدكتورة هبة قطب استغلال اسمها في مواقع السوشيال ميديا بصفحات وهمية و ايقاع الفتايات و السيدات في حوارات و رد علي اسئلتهم في علاقاتهم الخاصة رغم انها اعلنت كثيرا انها لاتتفاعل مع اي شخص إلا من خلال العيادة، و صافحتها الخاصة علي الفيس بوك لاتقبل صداقات الا المقربين لها فقط ، انما ان تصل الي الاتصال و جمع معلومات شخصية هوه ما لم تتصوره و تحذر الدكتورة هبة من الانسياق في الحديث سواء علي السوشيال ميديا او عن طريق الاتصال المباشر بأستغلال اسمها


أضف تعليقك
اعلانات
الأكثر قراءة
PDF
تابعنا