تعليق مجدى الهوارى على زواج معز مسعود وشيرى عادل
تعليق مجدى الهوارى على زواج معز مسعود وشيرى عادل
13 يوليو 2018

عبر المخرج مجدي الهواري عن استغرابه من الهجوم على  الداعية معز مسعود و الفنانة شيري عادل لزواجهما, حيث نشر مجدى صورة لهما عبر حسابه على موقع الصور الشهير (انستجرام) وكتب عليها قائلا :

ياجماعة ليه الهري في موضوع جواز معز مسعود و  شيري عادل هما متقفشوش في شقة مفروشة علي فكرة !!! ولا خدها واحد عرفي ع الماشي دول اتجوزوا !🙄 علي سنة الله ورسوله يعني مأذون وشهود ومهر وشبكة عيب بقي وبعدين احنا ليه بنشوف نص الكوب ... مش يمكن قصة حب 💕، ولا هو علشان بيقول قال الله وقال الرسول مش من حقه يحب !! 👊🏽، ولا هي علشان  ممثلة تبقي حرام تتجوز !!!

انا شخصيا يتبعه وشايف انه راجل متوازن جداً وغير مدعي زي غيره ، وكل تصرفاته في النور ، كان ممكن يتجاوزها في السر علي فكرة زي كتير منهم وعادي ،، كونهم أعلنوا في حد ذاته هو احترام لينا وللرآي العام 🤭
 
انا بتكلم دفاعاً عنهم بنيابة عن اهلهم اللي مش حلو يقروا اللي بيتكتب عن ولادهم ده عيب !! فانقول  مبروك للعروسينبقي ولا هو اَي فضاااا 
 
مبروك وبالتوفيق وحياة سعيدة ان شاء الله وعلي رآي  شادية في  معبودةالجماهير لما سألها الجمهور امتي الفرح قالتلهم : لما  يخلص فستان الفرح🌹😍💃  الحب مش عيب

وكان قد أعلن معز مسعود عن زواجه من شيري عادل من خلال بيان يخص مسلسل "السهام المارقة" قال فيه إنه يستعد لتقديم جزء ثاني من المسلسل معلنا عن زواجهما قبل فترة.


أضف تعليقك
اعلانات
الأكثر قراءة
PDF
تابعنا